Bulong

Mahal kita.
Sa napakaraming paraan
Sa hindi mabilang na dahilan
Mahal kita.

Mahal kita.
Katulad ng pagyakap ng sinag ng araw
sa bukang liwayway

Mahal kita
Kaparis ng katahimikang handog ng gabi sa tabing dagat,
sa ilalim ng liwanag ng buwan

Mahal kita
Kapantay ng liwanag ng talang bumubulusok
upang pagbigyan ang isang pangarap

Mahal kita
Kasabay ng pagpikit ng mga mata
at pagpasok sa isang mundong nalalapit sa paraiso

Mahal kita
Ang bawat ngiti. Ang bawat yakap.
Ang bawat halik.

Mahal kita
Sa bawat bulong. Sa bawat panaginip.
Sa bawat ihip ng hangin.
Mahal kita.